Эрдмийн зэрэг хамгаалсан 45 хүртэлх насны судлаачдын судалгааны ажлыг дэмжих, үр дүнг инноваци болгох, эрдэмтдийн залуу халааг бэлтгэх зорилгоор Боловсрол, соёл, шинжлэх ухааны сайдын нэрэмжит тэтгэлгийг өнөөдөр 10 судлаачид олголоо. Энэ удаад ЭМШУИС-ийн П.Эрхэмбулган, Ж.Мөнхцэцэг, Г.Цэрэнчунт, БУС-аас Ц.Болортамир, НУС-аас Н.Эрдэнэ-очир, М.Одмандах, ТТС-аас Б.Ганцэцэг, П.Баасансүрэн, ХААИС-иас Энх-Оюун, О.Бүрэнжаргал нар шалгарсан байна. Тэдний судалгааны ажлын чанарыг дээшлүүлэх, бүтээлдээ оюуны өмчийн хамгаалалт хийх, олон улсын судалгааны түвшинд хүргэх зорилгоор тус бүрт нв 10 сая төгрөгийн грант олгожээ. Дашрамд дурдахад, 2005 оноос эхлэн сайдын нэрэмжит энэхүү тэтгэлгийг олгож эхэлсэн бөгөөд одоогоор 80 эрдэмтэнд олгоод байгаа аж.     Д.Цэцэг