Зүүн дөрвөн замын уулзвараас Сансарын аюулгүйн тойрог хүртэл автозамаар тээврийн хэрэгслийн хөдөлгөөнийг хааж байгаатай холбогдуулан нийтийн тээврийн үйлчилгээний зарим чиглэлд өөрчлөт оржээ. Энэхүү өөрчлөлт долдугаар сарын 20-оос эхлэн есдүгээр сарын 01 хүртэл үргэлжлэх юм. -М:2 буюу “Шархад-7 буудал” чиглэлийн автобус Сансарын аюулгүйн тойргоор чигээр тойрч Доржийн гудамжаар явж Шархадны эцэс орно. Буцахдаа мөн адил замаар явна. -М:6а буюу “Өнөр хороолол-халдвартын эмнэлэг” чиглэлийн автобус МУИС-ийн уулзвараар Бага тойруу руу урагшаа эргэж Энхтайвны өргөн чөлөөгөөр явж Халдвартын эмнэлэг хүрнэ. -М:6б буюу “Өнөр хороолол-Баянбүрд-Халдвартын эмнэлэг” чиглэлийн автобус 11-р хорооллын хойд уулзвараар урагшаа эргээд Эрхүүгийн гудамж, Бээжингийн гудамж, Токиогийн гудамж, Энхтайвны өргөн чөлөөгөөр явж Халдвартын эмнэлэг хүрнэ. Буцах чиглэлдээ Энхтайвны өргөн чөлөөгөөр бөхийн өргөөний уулзваар хойш эргэж Токиогийн гудамжаар хойшоо гарч ОХУ-ын Соёл, шинжлэх ухааны зүүн талаар явж Сансарын аюулгүйн тойргоор буцаж эргэж үндсэн чиглэлдээ орно. -М:9 буюу “Зүүн салаа -Зурагт -Сансар”, М:10 буюу “Сансар хороолол -3, 4-р хороолол” чиглэлүүдийн автобус Бээжингийн гудамжаар яваад "Чингис" зочид буудлын зүүн хойд уулзвараар Токиогийн гудамж руу эргэж Энхтайвны өргөн чөлөөгөөр буцаж явна. -М:15 буюу “Баруун салаа-МУИС-БЗД-ийн 6-р хороо” чиглэлийн автобус МУИС-ийн уулзвараар бага тойруу руу урагш эргээд Энх тайвны өргөн чөлөөгөөр явж БЗД-ийн 6-р хороонд хүрнэ. Буцах чиглэлдээ Энх тайвны өргөн чөлөөгөөр яваад Бөхийн өргөөний уулзвараар хойш эргэж, Токиогийн гудамжаар нэвт хойш гарч Сансарын аюулгүйн тойргоор буцаж эргэн үндсэн чиглэлдээ орно. -М:20 буюу “СБД-ийн 20-р хороо- Дарь эх -Вокзал” чиглэлийн автобус Энхтайвны өргөн чөлөөгөөр яваад бөхийн өргөөний уулзвараар хойш эргэж Токиогийн гудамжаар нэвт хойш гарч Сансарын аюулгүйн тойргоор буцаж эргэж үндсэн чиглэлдээ орно. Буцахдаа мөн адил замаар явна. -М:38 буюу “Шархад-Сансарын туннель-ТЭЦ” чиглэлийн автобус Шархад талаасаа Дандарбаатарын гудамжаар урагшаа эргээд Энхтайвны өргөн чөлөөгөөр явж үндсэн чиглэлдээ орно. Буцахдаа Энхтайвны өргөн чөлөөгөөр явж Токиогийн гудамжаар нэвт хойшоо гараад Доржийн гудамжаар явна. -М:40 буюу “Хайлааст- Сансар -Амгалан” чиглэлийн автобус 100 айл талаасаа явахдаа Сансарын ШТС-ын арын уулзвараар урагш эргэж Токиогийн гудамж, Энхтайвны өргөн чөлөөгөөр явж үндсэн чиглэлдээ орно. -М:46 буюу “Чингис Соосэ-3, 4-р хороолол- Их засаг ИС-Офицеруудын ордон” чиглэлийн автобус Сансарын аюулгүйн тойргоор дайран Доржийн гудамж, Дандарбаатарын гудамжаар офицеруудын ордон хүрч БЗД-ийн Засаг даргын тамгын газрын хойд уулзвараар буцаж иргэн уг замаар буцаж явна. -М:42 “Улиастай-Сансар-ЗГАБааз” болон М:52 буюу “Тоосгоны үйлдвэр-Сансар – Жанжин клуб” чиглэлийн автобусууд хоёр талын чиглэлдээ их тойруугаар яваад Сансарын аюулгүй тойргоор эргэн дайран өнгөрч Доржийн гудамжаар явж байгаад Цайзын уулзвараар урагшаа эргээд Дандарбаатарын гудамжаар явж үндсэн чиглэлдээ орно. -М:56 буюу “Монелийн 38-Офицеруудын ордон-Сансар” чиглэлийн автобус үндсэн чиглэлийн дагуу Энхтайвны өргөн чөлөөгөөр явж байгаад Кино үйлдвэрийн уулзвараар буцаж эргэн уг замаар буцаж явна.   Д.Цэцэг