Шүүхийн шийдвэр гүйцэтгэх ерөнхий газрын харьяа хорих ангиудад Шүүхийн шийдвэр гүйцэтгэх ерөнхий газраас дотоод шалгалт хийж шалгалтын явцад ажлын хариуцлага алдсан ажилтнуудад сахилгын арга хэмжээ авчээ. Хариуцлага тооцох болсон шалтгаан нь хоригдол амиа алдсантай холбоотой гэнэ. Өнгөрөгч сарын 30-31-нд шилжих шөнө Баянзүрх дүүргийн X хорооны нутаг дэвсгэр дэх Амгаланд байрлах 421 дүгээр хорих ангийн хүмүүжигч 41 настай Ц амиа егүүтгэсэн. Эл хэргийг дүүргийн цагдаагийн хэлтэст шалгаж байгаа хэдий ч тухайн өдөр жижүүрт гарч буй ажилтнууд хариуцлага алдсан эсэхийг тогтоосон байна.