БНСУ-ын Пусан хотын Компьютер судлалын сургуулийн дэд захирал Канг нууц амрагтайгаа үгсэн хуйвалдаж эхнэрээ хөнөөн голын усанд хаясан хэрэг үйлджээ.
Уг дуулиан саяхнаас Өмнөд солонгост дэгдээд байна. Сэжигтэн Канг нь Солонгос улсдаа компьютерийн тэргүүлэх эрдэмтдийн нэг аж.Тэрбээр хоёр ч удаа гэрлэсэн бөгөөд түүний гарт амь үрэгдсэн эмэгтэй түүний гурав дахь гэрлэсэн эхнэр гэнэ. Түүнчлэн гэмт хэрэг үйлдэх болсон шалтгаанаа эхнэртэйгээ муудалцан, хөрөнгө хуваах асуудлаас болж маргаан үүссэн гэж цагдаагийн ажилтанд мэдүүлжээ.
Уг хэргийг Канг нууц амраг Чуйтайгаа хуйвалдан эхнэрээ хоолойг нь боож хөнөөгөөд усанд хаясан тухайгаа ч хэргээ хүлээсэн байна. Саатуулагдахаасаа өмнө тэрбээр цагдаагийн байгууллагад хандан “ Эхнэрийг минь амьд олж өгөөч алга болчихлоо” хэмээн уйлж очсон тухай тус улсын сонин телевизээр мэдээлжээ.