Шүүх хурлаар, Увс аймагт болсон 2012 оны Улсын их хурлын сонгуулиар сонгогчдын саналыг худалдан авах зорилгоор мөнгө тараасан, сонгуулийн сурталчилгааны хугацаа дууссанаас хойш сурталчилгаа явуулсан, сонгуулийн хуулиар хориглосон бэлэн мөнгөний амлалтыг өгсөн, Төрийн албан хаагчдыг татан оролцуулсан зэрэг маргааныг хэлэлцсэн байна. Уг маргаанд хариуцагчаар  УИХ-ын гишүүн  Ч.Хүрэлбаатар, Б.Чойжилсүрэн нар татагдсан юм. Шүүхийн шийдвэрийн талаар УИХ-ын  гишүүн  Ч.Хүрэлбаатараас тодрууллаа.

-Шүүхийн шийдвэр аль талд гарсан бэ?

-Увс аймгийн захиргааны хэргийн шүүхэд 14 цаг үргэлжилсэн хуралдаанаар  Б.Чойжилсүрэн бид хоёрт холбогдох  маргааныг хэлэлцсэн. Өөрөөр хэлбэл, АН-аас шүүхэд гаргасан Б.Чойжилбүрэн, Ч.Хүрэлбаатар нарыг нэр дэвшигчийн жагсаалтаас хасах, хоёрдугаарт, УИХ-ын гишүүнээр тооцсон сонгуулийн тойргын хорооны шийдвэрийг хүчингүй болгох тухай нэхэмжлэлийг хэлэлцээд   АН-аас гаргасан хоёр нэхэмжлэлийг хүчингүй болгох шийдвэр гаргалаа.

Харамсалтай нь  өнөөдөр зарим цахим хэвлэлээр шүүхийн шийдвэрийг  илт   буруу мэдээлсэн.  Зарим нэг  хүмүүс өнгөрсөн хугацаанд бид хоёр рүү хангалттай гүтгэж дайрсан. Одоо бүр шүүхийн шийдвэрийг хүртэл өөрсдийн талд гарсан мэтээр мэдээлж байна.

-Намын гишүүд шүүхийн шийдвэрт  ямар байр суурьтай байна вэ?

-Амжилт хүсч байна. Ард түмний саналыг  баталгаажуулсан шийдвэр гаргалаа гэж манай намын гишүүд үзэж байгаа.

- Нэхэмжлэгч тал хяналтын шатны шүүхэд хандах болов уу?

-Хуулийн дагуу л явах байх

Н.Түвшин