Өнөө өглөө орон нутгийн цагаар 06.00 цагт БНСУ-д тус орны 18 дахь ерөнхийлөгчийг сонгох бүх нийтийн сонгууль эхэллээ. Үндсэн хуулийн дагуу, төрийн тэргүүнийг нэг удаа таван жилийн хугацаатай сонгодог юм.
Жагсаалтад зургаан нэр дэвшигч бичигдсэн хэдий ч, хоёр өрсөлдөгч – эрх баригч Сэнури намын 60 настай Пак Кын Хе (эмэгтэй) болон гол сөрөг хүчин болох Нэгдсэн ардчилсан намын 59 настай Мүн Чжэ Ин нарын хооронд гол тэмцэл өрнөх ажээ.
Тус орны түүхэнд төрийн тэргүүний албан тушаалд эмэгтэй хүн өрсөлдөж байгаа нь одоогийн сонгуулийн нэг гол онцлог болж байна.
Олон нийтийн санал асуулгын дүнгээс үзвэл, Пак Кын Хе ойролцоогоор гурван хувиар илүү байгаа ажээ.
Сонгуулийн төв комиссын дүгнэлтээр, 50 сая хүн амтай тус оронд санал өгөх эрхтэй иргэдийн 70 орчим хувь нь сонгуульд оролцохоор байна.
С.Золбоо