Бельгийн нийслэл Брюссель хотын нисэх онгоцны буудал дээр даваа гаригийн шөнө зэвсэглэсэн этгээдүүд 467 сая ам.долларын үнэ бүхий эрдэнэс дээрэмдсэн хэрэг гарсан тухай “ВВС” агентлаг мэдээлж байна. Цагдаагийнхны мэдээлж буйгаар Брюсселийн нисэх онгоцны буудал дээр хоёр автомашин бүхий зэвсэглэсэн найман этгээд нисэх онгоцонд ачихаар эрдэнэс тээвэрлэж явсан бүхээгт тэрэгт халджээ. Брюсселийн цагдаа нарын мэдээлснээр бүлэг дээрэмчид Швейцарийн зорчигч тээврийн онгоцны ойролцоо зогсож байсан эрдэнэс ачсан бүхээгт тэргийг дээрэмдээд нисэх буудлаас салсан хатуу хучилттай замаар зугтсан байна. Бүлэг этгээдүүд нийтдээ 350 сая евро /467 сая ам.доллар/-ийн эрдэнэс дээрэмдсэн гэж албаны хүмүүс мэдээлсэн юм. Тэд бүгд цагдаагийн дүрэмт хувцас өмссөн бөгөөд бүрэн зэвсэглэсэн байжээ. Дээрэмчид онгоцонд орж ирээд нислэгийн ажилчид болон зорчигчдод буу тулган заналхийлсэн ч сум тавиагүй тул хэн нэгэн шархдаагүй өнгөрчээ. Тэд ердөө гурван минутын дотор л алмазыг аваад явсан гэж гэрчүүд мэдүүлжээ. Э.Мөнхнасан