-Монголд анх удаа банкны бүх үйлчилгээг зурагтаар авах боломжтой боллоо-

Их хотын иргэн бид их зүйлийг бага хугацаанд амжуулж, илүү бүтээлч байх боломжийг байнга эрэлхийлж байдаг. Энэ хэрэгцээг мэдэрсэн Хадгаламж банк, Юнивишн компаниуд үйлчилгээгээ харилцагчиддаа улам ойртуулан, тэдний цаг завыг хэмнэсэн, хялбар үйлчилгээг шат дараатайгаар нэвтрүүлсээр байна.

Цахим банкны үйлчилгээгээр цахиур хагалж буй Хадгаламж банк энэ удаад Юнивишн компанитай хамтран ТВ банк үйчлилгээг Монголд анх удаа цогц хэлбэрээр нэвтрүүлсэн байна.

ТВ банк үйлчилгээ нь Хадгаламж банкны интернэт банк, смарт банкны нэгэн адил банкны бүх төрлийн  үйлчилгээг ая тухтай орчинд, ажлын бус цагаар, амралтын өдрүүдэд ч авах боломж олгож байна. Хадгаламж банкны эрхэм харилцагч Та Юнивишн IPTV үйлчилгээний хэрэглэгч бол буйдан дээрээ тухлангаа дурын банкны данс руу мөнгө шилжүүлэх, цахилгаан, СӨХ болон Юнивишний төлбөрөө төлөх, Хадгаламж банкны салбар, АТМ-ын байршил, цагийн хуваарь харах, валютын ханш лавлах болон банкны бусад үйлчилгээг авах боломжтой болж байгаа гэсэн үг юм.