Хойд Солонгосын нийслэл Пёнхян хотноо өчигдөр цэргийн албан хаагчид, офицерууд , жирийн иргэд оролцсон томоохон хэмжээний жагсаал боллоо.
Тэрээр АНУ-ын "B2" бөмбөгдөгч онгоц буудлага хийчихээд буцсны дараа гал нээхэд бэлэн байх тушаалыг өгөөд байгаа бөгөөд өчигдөр болсон жагсаал дээр "Гал нээх тушаал өгнө үү" гэсэн уриа лоозонг ихээр барьсан байжээ.
Хойд Солонгос улс байлдааны бэлэн байдалд бүх нийтээрээ орох үүрэг даалгаврыг Их Удирдагч Ким Чин Уннээс өгсөн тухай өчигдөр Хойд Солонгосын Чусон телевиз мэдээллээ.
Удаан хүлээсний эцэст бид Сөүл хот , Өмнөд Солонгосын Засгийн газрын ордон , Өмнөдөд байх Америк цэргийн баазууд тэр бүү хэл Америкийн Гуам, Хавай арлуудыг нэгэн агшинд бөмбөгдөж газартай тэгшлэх тушаалаа авахад бэлэн боллоо. Бид зөвхөн Их Удирдагчийнхаа гал нээх тушаалыг л хүлээж байна хэмээн мэдэгдсэн мэдээгээр, жинхэнэ дайн гэж юу болохыг Ким Чин Ун үзүүлэх болно хэмээсэн байна.
Хойд Солонгосын тусгаар тогтнол, аюулгүй байдалд заналхийлсэн хүмүүс тэнгэр, газар, далай хаана ч байсан энэ удаа хатуу цээрлэлийг авч, Ким Чин Уны удирдаж буй Хойд Солонгос улс энэ удаа өмнөхөөсөө огт өөр байхаа мэдрүүлэх болно хэмээгээд байна.
Хэдийгээр Хойд Солонгос улс зөвхөн гал нээх тушаал хүлээж байгаа гэж мэдэгдэж байгаа ч хоёр Солонгосын худалдааны чөлөөт бүс Кесонгкунгдан хэвийн ажилласаар байгаагаас үзвэл тэдний зүгээс хийх ард иргэдийнхээ оюун санааг мунхруулах пропаганда хэмээн үзэж болох юм байна.
Б.БатУншиж байна |