УИХ-ын хаврын ээлжит чуулган эхлэх гэж байгаатай холбогдуулан Монголын Үйлдвэрчний эвлэлийн холбооноос НББСШУ-ны Байнгын хорооны дарга З.Баянсэлэнгэд санал хүргүүлжээ. Тухайлбал, Хөдөлмөр, нийгмийн зөвшлийн гурван талт 2013-2014 оны улсын хэлэлцээрт хөдөлмөр, нийгмийн хамгааллын чиглэлээр Нийгмийн даатгалын багц хуулийг шинэчлэх, хөдөлмөрийн хөлсний доод хэмжээг холбогдох хуульд заасан хугацаанд шинэчлэн тогтоох асуудлаар Засгийн газарт чиглэл өгөх зэрэг саналуудыг хүргүүлсэн байна. Дашрамд дурдахад, МҮЭХ-ноос Хөдөлмөрийн хөлсний доод хэмжээг 239400 төгрөг буюу цагт 1425 төгрөгнөөс багагүй байхаар тогтоох урдчилсан саналыг Хөдөлмөрийн сайд Я.Санжмятавт хүргүүлээд байгаа билээ.
Д.Цэцэг