Тагнуулын Ерөнхий газрын Орхон аймаг дахь Тагнуулын хэлтсээс аймаг дахь худалдааны төв, дэлгүүрүүдэд гэнэтийн шалгалт хийжээ. Шалгалтаар тагнах, чагнах зориулалт бүхий нууцаар дүрс бичлэг хийх аппарат, дуу хураагч, камертай цаг, түлхүүрийн оосор, үзэг, флаш, товч, нүдний шил, үнсний сав, болон гар утасны сим карт ашиглан, бусдын яриаг зайнаас сонсох зориулалттай техник зэрэг зүйлсийг тус аймагт дөрвөн хүн борлуулж байсан нь илэрчээ. Тиймээс дээрх найман төрлийн техник хэрэгслийг хураан авсан байна.
Учир нь сонгууль дөхөхөөр бусдыг тагнах, чагнах зориулалттай төхөөрөмж худалдаанд ихээр орж ирдэг аж. Мөн улсын хилээр оруулж ирэх, худалдахыг хориглодог гэнэ.
Уг төхөөрөмжийг зөвхөн Тагнуулын ерөнхий газар, ЗХЖШ-ын Цэргийн тагнуулын газар, ХХЕГ-ын Хилийн тагнуулын газар, Эрүүгийн цагдаагийн газар, ШШГЕГ-ын Гүйцэтгэх алба, Авлигатай тэмцэх газрын ажилтнууд гүйцэтгэх ажлын шугамаар ашиглах эрхтэй байдаг юм байна.
Б.Аянга