Энэхүү цахилгаан станц нь Монголд баригдаж буй анхны салхин станц, сэргээгдэх эрчим хүчний станцууд дундаа хамгийн том бүтээн байгуулалт нь болж байгаа юм. Улаанбаатараас 71 км-ын зайд орших Салхит ууланд тус бүр нь 1.6 мВт эрчим хүч үйлдвэрлэх хүчин чадалтай 31 салхин цахилгаан үүсгүүр ажиллаж эхэллээ. Нийт 50 мВт-ын хүчин чадлаараа дулааны III, IY цахилгаан станцын дараа орохуйц чадалтай юм байна. Салхин станцийн цамхгийн өндөр нь 80 метр, нэг сэнсний урт нь 39.8 метр. Далбааг оруулбал нийт өндөр нь 120 метр буюу 30 гаруй давхар барилгатай тэнцэх хэмжээний, 250 орчим тонн жинтэй аварга байгууламж юм.

Энэхүү цахилгаан станц нь жилд ойролцоогоор 140-160 сая кВт/цаг эрчим хүч үйлдвэрлэх боломжтой. Энэ нь 100 мянга гаруй өрхийг эрчим хүчээр хангахуйц чадалтай - See more at: http://society.time.mn/content/30674.shtml#sthash.ZIfQlDC2.dpuf