Монгол үндэсний их баяр наадам нь тун удахгүй болох гэж байна. Энэ жилийн наадмаар олон аймгийн тэгш ой тохиож байгаа бөгөөд үүнтэй холбоотойгоор аймгууд тус бүрдээ баяр наадмыг өргөн дэлгэр тэмдэглэхээр зэхжээ. Аймаг бүр л сонин содон арга хэмжээ зохион байгуулахаар төлөвлөсөн байна. Тухайлбал, Хөвсгөл аймагт “Цаатан фестиваль” энэ сарын 6-8-ны өдрүүдэд болно. Мөн Төв аймгийнхан 90 жилийнхээ ойг тэмдэглэнэ.

Ойнхоо хүрээнд 90 уртын дууч, 90 морин хуурч, 90 бүжигчин наадамчин олноо баярлуулах юм байна. Тус аймгийнхан энэ сарын 26-28-ны хооронд ойгоо тэмдэглэх юм. Түүнчлэн Завхан аймгийнхан мөн өдрүүдэд 90 жилийн ой тэмдэглэж 2222 морин хуурч ая өргөж, сум бүрийн онцлогийг харуулсан үзүүлбэр үзүүлэх юм байна. Харин өвөрхангайчууд Геннисийн номд бүртгүүлэх 1500 морины уралдаан энэ сарын 23-нд зохион байгуулахаар төлөвлөжээ.