Өнгөрсөн баасан гаригт аюулгүй ажиллагааг бүрэн хангаагүйн улмаас баригдаж буй барилгаас хүн унаж, амиа алдсан харамсалтай хэрэг гарлаа.
Тодруулбал, Баянзүрх дүүргийн V хороо, Кино үйлдвэрийн ард байрлах “Өндөр буянт холдинг” ХХК-ийн барьж буй “Happy town” хорооллын барилгын 16 давхраас туслах ажилтан нь унаж амиа алджээ.
Эх сурвалжийн мэдээлж буйгаар талийгаач залуу оюутан бөгөөд энэ сарын 1-нд тус ажилд оржээ. Тэрбээр ээж, дүүтэйгээ гурвуулаа амьдардаг гэнэ. Осол гардаг өдөр үдийн цайндаа орчихоод 16.00-17.00 цагийн үед голын барилгын хамгийн дээд талын давхрын гадна талд подем (барилгын материал тээвэрлэдэг урсдаг шат) дээр ажиллаж байсан бөгөөд хавтан авах гэж байгаад барилга шат хоёрын дунд хий гишгэн, хөл алдсан байна.
Б.ОдонУншиж байна |