Засгийн газрын 320 дугаар тогтоолоор энэ сарын 1-нээс эхлэн Төрийн өндөр, дээд албан тушаалтан, төрийн албан хаагч нарт тусгай цахим дипломат болон албан паспорт олгох шийдвэр гарсан билээ. Уг шийдвэртэй холбогдуулан өмнө нь олгосон дипломат, албан паспортад сунгалт хийхгүй гэнэ. Гэхдээ хүчинтэй хугацааг нь дуустал аль ч улс оронд  зорчих боломжтой юм байна.

Харин шинээр цахим паспорт эзэмших эрх бүхий албан тушаалтан паспорт мэдүүлэх материалаа Гадаад харилцааны яамны Консулын газарт бүрдүүлж өгөхийн зэрэгцээ өөрийн биеэр зураг, хурууны хээ өгөх шаардлагатай ажээ.