Хөвсгөл аймагт найман настай М охиныг хүчирхийлж, онц хэрцгийгээр хөнөөсөн хэрэг нь анхан шатны шүүхээр нотлогдсон Н.Мөнх-Оргил давж заалдах шатны шүүхэд гомдол гаргалаа.
Түүнд Эрүүгийн хуулийн 125.2 буюу бэлгийн дур хүслээ ёс бусаар хангасан, энэ хэргийг давтан үйлдсэн, 126.3 буюу насанд хүрээгүй хүүхдийг хүчирхийлсэн 91.2.6 91.2.10, 91.2.15-д зааснаар буюу гэмт хэргээ нуун далдлах зорилгоор, санаатайгаар, хохирогчийг биеэ хамгаалах чадваргүйг мэдсээр байж амь насыг нь хөнөөсөн гэх үндэслэлээр Чингэлтэй дүүргийн шүүхээс ялын дээд хэмжээ оноосон юм.
Чингэлтэй дүүргийн анхан шатны шүүх, Нийслэлийн давж заалдах шатны шүүхээс насанд хүрээгүй хүүхдийг хүчирхийлж, бэлгийн дур хүслээ ёс бусаар хангасан, насанд хүрээгүй хүний амь нас хөнөөсөн, насанд хүрээгүй хүүхдийг хүчирхийлэх хэргийг давтан үйлдсэн хэрэгт буруутгаж, өмнө нь цаазын ял оноож байсан юм.
Гэвч Н.Мөнх-Оргил хэргээ хүлээхгүй, хяналтын шатны шүүхэд хандсанаар өнгөрсөн тавдугаар сард Дээд шүүхээс нэмэлт мөрдөн байцаалтад буцааж, улмаар хагас жил мөрдөн байцаалт, прокурорын шатанд хянагдаж байв. Тэрбээр өнгөрсөн жил цаазын ял сонссоныхоо өөрийгөө хэлмэгдсэн гэсэн мэдээлэл өгч байв.
Н.Түвшин