Монгол Улсын засгийн газар, Хөдөлмөрийн яам, Энэтхэгийн Засгийн газрын санхүүжилт бүхий Колумбын Төлөвлөлтийн Коллеж /CPSC/-той хамтран манай улсад “Ядуурлыг бууруулахад ТМБС-ын ур чадвартай удирдах ажилтныг  бэлтгэх хөтөлбөр” сэдэвт  сургалтыг зохион байгуулж байна. Сургалтыг Монгол- Солонгосын Политехник коллежийг түшиглэн Мэдээлэл аргазүйн Үндэсний төв зохион байгуулж, анги танхим, сургалтын орчныг бүрдүүлэн ажиллаж байна.  Сургалтанд МСҮТ, коллежийн 30 орчим удирдах ажилтан хамрагдаж байгаагаас суралцагчдын ихэнх нь хөдөө, орон нутгаас оролцож байгаа юм. Сургалтаар оролцогчид Ядуурлыг бууруулахад ТМБС-ын ур чадварын ач холбогдлыг хүндэтгэн ойлгох, ТМБС-ын ур чадвар болон ерөнхий чадваруудыг хөгжүүлснээр хөдөлмөр эрхлэлтийн олон төрлийн хандлагуудыг тодорхойлох, Ядуурлыг бууруулахад чиглэсэн аж ахуй эрхлэлтийн хөтөлбөрүүдийг нэгтгэх, ТМБС-ын ур чадварыг хөгжүүлэх модульчилсан хөтөлбөр, стратегийг боловсруулах, ТМБС-ын ур чадвараар ядуурлыг бууруулах үйл ажиллагааны төлөвлөгөө гаргах зэрэг нэгдсэн ойлголтонд хүрэх юм.

Н.Энх