Уг ордон нь 12 давхар оффис болон тамирчдад зориулсан зочид буудал, фитнесс клуб, дөрвөн татами тавьж болох талбайтай 800-1000 хүний суудалтай заал, усан бассейн, эмнэлэг8 сургалтын төв зэрэг спортын хөгжилд шаардлагатай бүхэн нэг доор цогцолсон байх юм.

Монголын жүдогийн ордны шавь тавих ёслолд тус холбооны тэргүүн дэд Ерөнхийлөгч Д.Ганбаатар, гүйцэтгэх захирал М.Бөхбат, Олимпын аврга Н.Түвшинбаяр, Дэлхийн аварга Х.Цагаанбаатар, ССАЖЯ-ны Биеийн тамир спортын бодлогын хэрэгжилтийг зохицуулах газрын дарга Бахыт, улсын шигшээ багийн ахлах дасгалжуулагч О.Балжинням болон жүдо бөхийн тамирчид оролцлоо.

Уг ордныг бүтээн байгуулахад 17 орчим тэрбум төгрөгийн хөрөнгө шаардлагатай ажээ.  Уг санхүүжилтийг бөх сонирхогчид болон жүдо бөхийн хөгжлийн төлөө чин сэтгэлтэй олон түмний хандив тусламжаар бий болгоно хэмээн тус холбооныхон төлөвлөж байгаа юм. Уг ордны зураг төслийг  "House design"компани хийж байгаа ажээ. Уг компани  урьд нь Цонжин болдог дахь Чингис хааны Алтан ташуур цогцолбор, өнгөрсөн долоо хоногт нийслэлийн төв талбайд тэргүүнийг нь залсан Майдар төсөл гэх мэт Монголчуудын бахархал болсон олон бүтээн байгуулалтыг өлгийдөн авсан уран бүтээлч юм. Дараа жилийн энэ үед Монголын жүдогийн ордныг ашиглалтад оруулахаар төлөвлөөд байгаа юм байна.