Тайваний салан тусгаарлах явцыг зогсоох зорилгоор Хятад улс цэргийнхээ хүчийг эрс нэмэгдүүлж байна гэж Пентагоны нэгэн тайланд дурьджээ. Хятадын эдийн засаг, сүр хүч нэмэгдэхийн хэрээр дундад улс дэлхий дахинд өөрийн эрх ашгийг хамгаалах зорилгоор цэргийн чадамжаа нэмэгдүүлж байна гэж Хятад судлаач Дэйвид Финклштайн хэлж байна. Пентагоны мэдэгдэж буйгаар Хятадын шинээр зохион бүтээсэн баллистик пуужин нь газрын тосоор баялаг Ойрхи Дорнод болон Төв азид тусах чадвартай юм байна. Яваандаа АНУ-ын тэнгисийн хүчийг ч Ази Номхон Далайд нь тогтоон барих чадвартай гэнэ. Өнгөрсөн онд Хятад улс АНУ-ын дараа газрын тосны 2 дахь том хэрэглэгч болсон. Цаашид Хятад улсын газрын тосны өдрийн хэрэглээ өдөрт 10 сая баррелиас хол давах юм байна.
Энэ мэт байдлаас үүдэж дэлхийн газрын тосны нөөц бүхий газар нутгуудад хяналтаа тогтоохын тулд Хятад улс цэргийн хүч хэрэглэж магадгүй гэж АНУ санаа зовж байгаа юм байна. 2009 онд Америкийн далайн шинжилгээ судалгааны хөлөг онгоц, Хятадын харуулын онгоцтой сөргөлдөхөөс өмнө 2 талын цэргийн салбарын харилцаа зогсмол байдалд ороод байсан юм. Өнгөрсөн онд Америкийн тал Тайваньд 6.4 тэрбум долларын өртөг бүхий зэвсэг нийлүүлэхээ зарласны дараа Хятад улс 2 орны цэргийн салбарын дээд хэмжээний уулзалтыг хойшлуулсан юм. Мөн Хятад улс тойрог зам дахь хиймэл дагуулыг устгах чадвартай цөмийн цэнэгт хошуу тээвэрлэгч болон кибр дайн явуулах чадвартай болж байна гэж Пентагон үзэж байгаа. Харин Хятадын тал цэргийн чадамжаа нэмэгдүүлж байгаа нь зөвхөн батлан хамгаалах зорилготой гэж тайлбарлаж байна.
Н. ЭДДИ |
Уншиж байна |