Мото спортын тамирчдын эр зориг, авхаалж самбааг шалгадаг “Дакар ралли”-ийн 35 дахь удаагийн уралдаан маргааш эхэлнэ. Өнөөдөр техникийн үзлэг болж, манай гурван тамирчин амжилттай тэнцэж, гараанд гарахад бэлэн болжээ.
Уралдааны мотоциклийн төрөлд Д.Болбаатар, Н.Лхамаа, Х.Батболд нар эх орноо төлөөлөн оролцож байгаа билээ. “Дакар Ралли” нь мотоцикл, дөрвөн дугуйт “Куад”, автомашин, ачааны машин гэсэн дөрвөн төрөлтэй.
Энэ жилийн “Дакар Ралли” Аргентин, Болив, Чили улсуудыг дамжин явагдах ба оролцогчид нийт хоёр долоо хоногийн хугацаанд 8700 км зам туулна. Үүнээс уралдааны зам нь 5700 км, 3000 км нь уралдааны замуудаа холбох замууд боловч үүн дээр ч бас цаг тооцогдож, уралдаан явагддаг.
Б.Буд
Уншиж байна |