Манай сайтын сурвалжлах баг таксич Хоовон хөхтэй хамт “халтуур” хийхээр Дархан хотыг зорьсон юм. Тэнд зам түгжирнэ гэдэг асуудал огт байдаггүй нь түүнээс айж, бухимдаж байдаг бидэнд хамгийн сайхан зүйл байв. Алиа нэгэн маань гэрлэн дохион дээр дараалан зогсох гурав, дөрвөн машиныг хараад “Одоо яана аа, бөөн бөглөрөл, ажил хэцүүдлээ” гэж хошигнон биднийг инээлгэж байлаа.
7
Энэ үеэр Дархан-Уул аймгаас УИХ-д сонгогдсон бие даагч гишүүн С.Ганбаатар “Бие даагчдын зөвлөл”-ийнхөнтэйгээ хамт тойрогтоо ажиллаж таарсан юм. Манай таксич, такси хоёртой эчнээ танил тэрбээр Хоовон хөхтэй хамт “халтуур” хийж, тойргийнхоо ард, иргэдийн үзэл бодол, санал хүсэлтийг сонсохын сацуу харилцан ярилцсан юм.
7
Урьдын танилуудад биенээсээ бэргэх сандрал, түгжрэх саадгүй замтай болохоор завгүй хүний цагийг бөглөрөөнд үрчих вий гэсэн айдас байсангүй. Тэд дөнгөж хөдлөөд л анхны зорчигчоо суулгасан. Өглөө эртийн цаг байсан болохоор хүүхдээ цэцэрлэг сургуульд нь хүргэх гэсэн болон ажил сургуульдаа зорьсон хүмүүс зам дагуу гар өргөн зогсох нь харагдаж байв. Тав орчим насны хүүгээ дагуулсан залуу байлаа. Уламжлал ёсоор манай сурвалжлах багийхан таксич Хоовон хөхийг дагаж бичлэг хийн, гэрэл зураг авч явлаа. Эхний зорчигчийг суулган 400-500 метр газар яваад л дараагийн үйлчлүүлэгчээ авав. Удалгүй анхны зорчигч зам дагуу буулаа.
7
н.Цэндээ: Залуу хүн ажилтай байх нь хамгийн чухал
7
Энэ үеэр түүнийг угтан очиж цөөн хормын яриа өрнүүлсэн юм. Түүнийг н.Цэндээ гэдэг. Дархан хотод ажиллахаар Өвөрхангай аймгаас гэр бүлээрээ шилжин иржээ. Одоо нэгэн авто засварын газар ажилладаг юм байна. Тэрбээр ойрхон газар явсан болохоор гишүүнтэйгээ сайн ярьж чадсангүй. Өөрийн ажил төрлийнхөө талаар л бага хэмжээний яриа өрнүүллээ” гэж ярьсан. Түүнээс Өвөрхангайгаас Дарханд ажиллахаар ирсэн гэлээ. Санасандаа хүртэл ажиллаж, түүнийхээ үр шимийг хүртэж чадаж байна уу гэж асуухад “Чадаж байна. Дархан хотод амьдрахад боломжтой сайхан газар. Миний болон манай гэр бүлийн хүний цалин хөлс гайгүй. Амьдралд хүрэлцэж байна. Өнөө цагт залуу хүн ажилтай байх бол хамгийн чухал” гэдэг хариултыг өгсөн юм.
7
Дараагийн зорчигч Дархан-Уул аймгийн “Дөл” харуул хамгаалалтын газар ажилладаг н.Бэхболд гэдэг залуу байв. Тэрбээр гишүүнтэй гэнэт таксинд тааралдсан болохоор их гайхсан. Гишүүний асуусан ойр зуурын хэдэн асуултад хариулсан болохоо бидэнд ярьсан. Мөн биднийг хараад багагүй сандарч байгаа нь ч мэдэгдэж байлаа. Түүнчлэн хүүхдээ дагуулсан нэгэн эмэгтэй зорчигч маань таксинаас бууж ирэхдээ аппарат, камер барьсан биднийг хараад “үргэж” бушуухан зам хөндлөн гарч одсон тохиолдол ч гарсан.
6
Харин такси зогсоохоор гар өргөн зогсож байсан ногоон хүрэмтэй нэгэн залуу Хоовонгийн таксины цонхоор их нухацтай харж, гишүүн сууж байхаар гайхсан бололтой ухарч харагдав. Гэвч С.Ганбаатар гишүүн, Хоовон хоёр зэрэг даллаж, толгой дохиж дуудсанаар таксинд суулаа. Энэ зочин бол гишүүний амьдай байжээ. Түүнийг зорьсон газраа хүрэхэд нь хэдэн хором ярилцлаа.
6
н.Ганбаатар: Монгол улсынхаа төлөө илүү ихийг хийгээрэй
7
-УИХ-ын гишүүн таксинд явж байхыг хараад их гайхаж байгаа харагдсан?
-Харин тийм, их гайхлаа. Гэхдээ тойргоосоо сонгогдсон, дэмжиж явдаг гишүүнтэйгээ таксинд тааралдсандаа сэтгэгдэл өндөр байна.
6
-Та гишүүнтэй юу ярив, магадгүй өөрт нь хандаж хэлэх зүйл байсан бол түүнээ ярьж чадав уу?
-Маш санаандгүй байдлаар таарлаа л даа. Ер нь гишүүнийг дэмжиж явдаг талаараа л ярилаа. Миний хувьд Дарханд хувиараа хөдөлмөр эрхэлдэг. Хувиараа юм хийж, бизнес эрхэлдэг хүмүүс эх орныхоо хөгжилд тодорхой хэмжээний хувь нэмэр оруулдаг. Энэ хүмүүст Төр засгийн дэмжлэг хэрэгтэй байдаг. Энэ хүмүүсийнхээ зүгээс Монгол улсынхаа төлөө одоо байгаасаа илүү зүйл хийгээрэй гэж хэлье.
7
Дараагийн зорчигчийг Юндэнхүү гэдэг. Энэ эмэгтэй Хоовон хөх, гишүүн хоёртой хамгийн урт замыг туулсан зорчигч болох байх. Тэрбээр С.Ганбаатар гишүүнийг сэтгэлээрээ дэмжиж явдаг нэгэн аж. Маш сайхан тохиолдлоор гишүүнтэй таарсандаа олзуураж, баяртай байгаагаа илэрхийлээд, таксинд гишүүнтэй албан ёсны зүйл ярилгүйгээр хувийн жаахан зүйл ярьсан гэж бидэнд хэлсэн. Өмнөх зорчигдоос хамгийн нүүрэмгий буюу камер хараад дальдардаггүй нь энэ зорчигч байсан юм. Юндэнхүү зорчигч нэгэн таксины зогсоолын ойролцоо буусан. Энэ үед гишүүнийг таксинд явж байхыг харсан таксины жолооч нар ирж мэнд амараа мэдэлцэн, ойр зуурын зүйл ярилцаж байгаа харагдсан.
6
Энэ удаагийн “халтуур”-ын сүүлийн зорчигч болох өөрийгөө Увс аймгаас ирсэн оюутан гэж танилцуулсан эмэгтэй “УИХ-ын гишүүн С.Ганбаатар, таксины жолооч хоёр надаас ойр зуурын зүйл асуусан боловч сандарсандаа сайн хариулж чадаагүй. Гэхдээ маш гоё байлаа. Өнөөдөр азтай өдөр байна” гэж сандруухан хэлээд мөн л зугтах мэт цааш одсон. Ийнхүү С.Ганбаатар гишүүн зорчигчид буюу тойргийн иргэдийнхээ таксины мөнгийг дааж, Хоовон хөхтэй хамт “халтуур” хийлээ.
7
Сонгогдсон тойрогтоо “таксидаж” хийж, иргэд сонгогчидтойгоо болон Дархан хотод түр амьдарч буй хүмүүстэй уулзсан УИХ-ын гишүүн С.Ганбаатарын сэтгэгдлийг сонслоо.
7
-Та Дархан хотод таксинд явж, ард иргэдтэйгээ уулзлаа. Тойрогтоо таксидах ямар байна. Таныг хэрхэн хүлээж авч байна?
-Өө, баярлалгүй яахав. Юндэхүү гээд эгч орж ирсэн тас тас хөхрөөд л бид чинь нэг нутаг орны жаргал зовлонгоо мэддэг болохоор яг л амьдралаа ярина шүү дээ. Тэгээд хамгаалалтын албанд ажилладаг залуу, хүүхэдтэйгээ нэг охин, Увсаас ирж суралцаж буй гээд оюутан суулаа бүгдээрээ л сэтгэгдэл өндөр байсан. Хамгийн гол нь эд нар маань надад итгэж амьдралаа, зовлонгоо, нарийн ширийн юмаа ярьдаг нь миний хамгийн бахархдаг зүйл.
7
-Таны хувьд тойрогтоо хэр олон удаа ирдэг вэ. Иргэд сонгогчид юу гэж ярьж байх юм?
-Хоовон хөхтэйгээ хамт тойрогтоо таксидлаа. Эхэндээ айж л байлаа. Манай Дарханчууд чинь их шударга шүү дээ. Таксинд орж ирчихээд л “Ганбаа хүү минь, чи яагаад ийм юм хийхгүй байна” гээд загнах болов уу, энэ чинь олон түмэнд гарна даа гэж санаа зовж байсан. Гэтэл надад их сайхан урам өглөө. Олон хүнтэй уулзлаа. Би сар бүр Дархандаа ирдэг. Ард иргэдийн сонгогчдоо төлөөлж байгаа тул төлөөлүүлж байгаа хүнтэйгээ их ойрхон байх ёстой
6
Замын түгжрэл, утаа униар гэх мэт санаа зовоож, уур бухимдал төрүүлсэн асуудал байдаггүй болоод ч юмуу, тойргоос сонгогдсон гишүүн нь сар болгон ирдэг болохоор ч тэр үү Дархан хотын иргэд “энэ болохгүй, тэр бүтэхгүй байна” гэж бидэнд лав хэлсэнгүй. Манай нийслэлийнхэн чинь болж өгвөл хэвлэл мэдээлэл олон нийтийн хэрэгслээр өөрийн дуу хоолойгоо илэрхийлэх сонирхолтой байдаг. Гэтэл Дарханчууд харин ч камерын дэлгэцнээс нүүр буруулж, аль болох зургаа авахуулахгүйг хичээх юм. Ийм эгэл даруухан тэд тойргоосоо сонгогдсон гишүүнтэйгээ юу гэж ярилцсныг таксич Хоовон хөх дараагийн цувралдаа “өнгөтөөр” өгүүлж та бүхэнд хүргэнэ.
Б.Буд