ШЕЗ-өөс сэтгүүлчдэд хэвлэлийн бага хурал хийлээ. ШЕЗ-ийн Хэвлэл мэдээлэл, олон нийттэй харилцах хэлтсийн дарга Л.Бямбаа цаг үеийн асуудлаар мэдээлэл хийсэн юм. Шүүхийн үйл ажиллагааны талаарх мэдээлэл олон нийтэд нээлттэй болсон байна.
gh
Тус зөвлөлийн цахим санд 77131 хэргийн 97759 шийдвэр, магдлал, тогтоолыг байршуулжээ. Уг цахим санд өдөр дунджаар 2100 хандалт ордог байна. Шүүх хуралдааны явцыг дуу болон дүрс бичлэгээр баталгаажуулж эхэлжээ. Одоогийн байдлаар 40 шүүхийн 85 шүүх хуралдааны танхимыг техник хэрэгслээр тоноглоод байгаа аж. “Нээлттэй шүүх” төслийг 15 шүүхэд хэрэгжүүлж байгаа бөгөөд бүх шатны шүүх хурлын ажиллагаа нээлттэй явагдаж байгаа юм байна.
ах
ШЕЗ-ийн гишүүн Ж.Эрдэнэчимэг мэдээлэлдээ "Монгол Улсын шүүхийн тухай хуулиар бүх шатны шүүх нь шүүгч, Ерөнхий шүүгчээс бүрдэнэ гэж заасан байгаа. Шүүхийн багц хуулиар бүтэц, зохион байгуулалтад өөрчлөлт орсон. Нийт 78 шүүх шинээр байгуулагдсан. ШЕЗ хуульд заасан чиг үүргийн дагуу анхан болон давж заалдах шатны нийт 78 шүүхийн Ерөнхий шүүгчийн сул орон тоонд сонгон шалгаруулалт зарласан. Шүүгчийг сонгон шалгаруулалт шинэ журмаар явна. Ерөнхий шүүгчийн сонгон шалгаруулалтын бүртгэлийг гуравдугаар сарын 17-21-ны хооронд явагдсан. Нэр дэвшигчдээс шалгалт авч, үнэлгээ өгөх ажиллагаа дөрөвдүгээр сарын 14-28-ныг хүртэл явагдана" гэлээ.
ах
Анхан болон давж заалдах шатны шүүхийн Ерөнхий шүүгч нь тухайн шатны шүүхэд гурваас доошгүй ажил ажилласан байх шаардлага тавигдаж байгаа аж.
ах
Н.Энх
Уншиж байна |