Украины экс Ерөнхийлөгч Виктор Янукович ард түмэндээ хандаж мэдэгдэл хийжээ. Тэрбээр өчигдөр оросын Ростов-на-Дон хотноо хэвлэлийн хурал хийж улсынхаа бүс нутгийн статусыг тодорхойлох бүх нийтийн санал асуулга явуулахыг уриалсан аж. Янукович ард түмэндээ хандаж “Би хууль ёсны Ерөнхийлөгчийн хувьд Украины эрүүл ухаантай иргэн бүрийг өөрсдийгөө өргөмжилсөн хүмүүст ашиглуулахгүй байхыг уриалж байна. Украины бүх бүс мужийн статусыг тодорхойлох бүх нийтийн санал асуулга явуулахыг шаардах хэрэгтэй. Украинчуудаа намайг уучлаарай. Би энэ бүх байдлын гол буруутан нь биш шүү дээ. Барууны орнуудын бүрэн дэмжлэгтэй сөрөг хүчнийхэн, зэвсэглэсэн террористуудын зэвсэгт төрийн эргэлт боллоо” гэжээ.
1
Виктор Янукович мэдэгдлийнхээ төгсгөлд “Улс төрийн хоригдол Юлия Тимошенко Ерөнхийлөгчид нэр дэвшиж буйгаа зарласан. Тэр ард түмний итгэлийг хялбар аргаар олж, хохирсон нэгний дүрээр иргэдийг саналыг авах гэж оролдох учраас Украинчуудыг түүнээс болгоомжилж, шинэ Засгийн газар гэж нэрлээд буй хууль бус парламентаас сэргийлэх хэрэгтэй” гэж сануулсан байна.
1
Б.Дэлгэрцэцэг