Сонгинохайрхан дүүргийн Прокурорын газар УЕП-ын 01 тоот албан даалгавар, нийслэлийн прокурорын газраас зохиож буй аяны хүрээнд "Прокуроруудын бичсэн даалгавар, байцаан шийтгэх ажиллагаанд оролцох оролцоо, хэргийн хугацаа сунгалт" зэргийг 2011 оны 11 дүгээр сарын 01-ний өдрийн байдлаар судлаж үзээд хяналтын ажлыг эрчимжүүлэх талаар дүүргийн Прокурорын албан даалгаврыг прокуроруудад өгсөн байна.
Үүний үр дүнд хугацаа сунгагдан шалгагдаж байсан 14 хэргийг эцэслэн шийдвэрлэснээс 8 хэргийг шүүхэд шилжүүлж, 3 хэргийг хэрэгсэхгүй болгож, 2 хэргийг түдгэлзүүлж, 1 хэргийг харьяаллын дагуу шилжүүлж шийдвэрлэсний гадна прокуророос хэргийг шалгах ажиллагааны явцад нь хянаад бичсэн даалгавар 52.1 хувиар прокуророос байцаан шийтгэх ажиллагаанд оролцох оролцоо 54.3 хувиар өсчээ.