Украины экс Ерөнхийлөгч Виктор Янукович өнгөрсөн ням гаригт Украинд болсон Ерөнхийлөгчийн сонгуулийн талаар мэдэгдэл хийсэн  тухай “www.kyivpost.com” мэдээллээ.

Янукович хэвлэлийнхэнд сонгуулийг хууль бус болсон гэдгийг онцолсон байна.

:

Тэрбээр “Хэрвээ энэ сонгуулийн хууль ёсны байлгахыг хүссэн бол Украины дорнод нутгийн ард иргэдийн саналыг авах ёстой байсан. Гэтэл тэдний саналыг аваагүй. Салан тусгаарлагчдад эзлэгдээд буй 3-4 мужид амьдарч буй хэдэн мянган иргэний саналыг аваагүй. Энэ бол шударга бус үйл явц. Сонгууль бол бүх ард түмний сонголт байх учиртай” гэжээ.

:

Виктор Янукович 2010 онд Украины Ерөнхийлөгчөөр сонгогдсон ч бүрэн эрхийнхээ хугацааг дуусаагүй байхад эсэргүүцлийн хөдөлгөөнөөс зугтааж, эх орноосоо дүрвэн гараад ОХУ-ын нутагт түр орогнож байгаа юм.

.

Б.Дэлгэрцэцэг