Малайзын “МН17” онгоцыг Украины Грабово хотын дээгүүр нисч явахад нь салан тусгаарлагч нар агаарын довтолгооноос хамгаалах зориулалттай пуужингаар сөнөөсөн хэмээн олон улс таамаглаж буй. Тэгвэл “МН17” онгоцыг сөнөөсөн хэмээн сэжиглэгдэж буй “BUK M1” пуужин зөөвөрлөгч “ХР 4682” улсын дугаартай ачааны машин үүргээ гүйцэтгэчихээд буцаж буй бичлэг нийтэд цацагдлаа. “BUK M1” пуужин зөөвөрлөгч ОХУ-ын хилийн ойролцоо явж буй бичлэгийг “Youtube.com” сайт байршуулсан тухай “www.dailymail.co.uk” мэдээлэв.
7
Хотын оршин суугчид “Онгоц газарт унасны дараа “BUK M1” бутны ард нуугдаж байсан. Харин 45 минутын дараа байршилаа өөрчилсөн” гэжээ. Харин салан тусгаарлагчид болон “Бүгд найрамдах Донецк” улсын удирдлагууд энэ бичлэгийг үгүйсгэж байгаа бөгөөд бүтээлгээр хучсан цэргийн техник чухам юу болохыг мэдэхгүй гэдгээ илэрхийлжээ.
7
Украины Ерөнхийлөгч Петр Порошенко тус бичлэгийн дараа “Салан тусгаарлагчдын ард ОХУ байна” гэж мэдэгджээ.
6
Б.Дэлгэрцэцэг