Баруун Африкт дэгдээд буй Эбола вирусын улмаас Испанийн иргэн амиа алдсан тухай “Ройтерс” агентлаг мэдээллээ. Амиа алдсан иргэн өнгөрсөн мягмар гаригт тус вирусээр халдварлагдсан нь тогтоогдож, тусгай хамгаалалттай Мадрид хотын төв эмнэлэг рүү шилжүүлсэн юм. Тэрээр Эбола вирусын улмаас 48 иргэнээ алдсан Либери улсын эмнэлэгт ажилладаг байжээ.

6

Испанийн эрүүл мэндийн яамнаас мэдээлсэнээр “Түүнийг Мигель Пажарес гэдэг.  75 настай.  Мадрид хотын эмнэлэгт ирэх үедээ өндөр халуунтайгаас гадна биеэр нь улаан юм туурч, үс нь халзарсан байсан” гэжээ. Мигель Пажарес гурван сарын хугацаанд Либерийн нийслэл Монрова хот дахь Католик сүмийн дэргэдэх эмнэлэгт ажиллаж байсан бөгөөд өнгөрсөн долоо хоногийн эхээр Мадрид руу буцахаар сорил өгсөн ч шинжилгээний хариу сөрөг гарч, Эбола вирусын халдвар авсан нь тогтоогдсон аж.

6

Либери улсын Засгийн газар Католик сүмийн дэргэдэх эмнэлгийн үйл ажиллагааг зогсоож, гадаадын жуулчдаас сорилго авч эхэлжээ. Мигель Пажаресээс гадна АНУ-ын хоёр, Австралийн нэг, Канадын нэг иргэн тус вирусээр халдварлагдсан тухай ДЭМБ-аас мэдээллээ. Эбола вирусээр 1029 хүн амиа алдаж, 925 хүн халдвар авчээ.

6

Б.Дэлгэрцэцэг