Мексикийн Герреро мужийн цагдаагийнхан өнгөрсөн сарын 26-наас хойш сураггүй болсон 43 оюутныг хайж байгаа юм. Игуала хотод байрлах Багшийн их сургуулийн оюутнууд эсэргүүцлийн жагсаалд оролцсоныхоо дараа сураггүй алга болсон билээ. Тухайн үед жагсаалд оролцсон оюутнууд цагдаа нартай мөргөлдсөнөөс зургаан хүн амь үрэгдэж, 17 хүн шархадсан аж. Эрх баригчид энэ үйл явдалтай холбоотойгоор цагдаагийн 22 ажилтныг саатуулсан билээ. 14 хоногийн турш сураггүй байсан 42 оюутны 15 нь амиа алджээ. Тэдний цогцосыг Герреро мужаас 800 км-ийн цаана байрлах Мерижун мужаас олдсон гэж “www.dailymail.co.uk” мэдээллээ.

6

Цагдаагийнхан үлдсэн 28 оюутныг орон даяар хайж эхэлжээ. Герреро мужийн ЦЕГ-ын дарга Хосе Луис “Амиа алдсан оюутнууд гадны нөлөөтэй амиа алдсан гэдгийг Шүүх эмнэлгээс баталсан. Тэднийг ямар шалтгаанаар хороосон нь нууц хэвээр байна. Эхний ээлжинд гэмт этгүүдүүдийг баривчлах хэрэгтэй байна” гэж хэлжээ.

6

Б.Дэлгэрцэцэг