Украины зүүн хязгаарт эрхээ тогтоогоод буй салан тусгаарлагчид өнгөрсөн амралтын өдөр Ерөнхийлөгч болон орон нутгийн сонгууль явуулсан билээ. Сонгуулийн урьдчилсан дүн өчигдөр гарч Донецк мужийн захирагчаар “Бүгд Найрамдах Донецк ард улс”-ын хөдөлгөөний тэргүүн Александр Захарченко сонгогдсон бол Луганск мужид Игорь Плотницкий ялалт байгуулсан байна. Луганск мужид ирц хангалтгүй, нийт сонгогчдын 55.7 хувь нь саналаа өгсөн ч сонгуулийг хүчинтэй хэмээн тооцжээ. Энэ тухайгаа Луганск мужийн сонгуулийн хороо “Сонгуулийн ирц хүрэлцэхгүй байгаа ч энэ удаагийн сонгуулийг хүчинтэйд тооцохоор шийдвэрлэсэн. Дахин сонгууль явуулах нь хэтэрхий эрсдэлтэй” гэсэн байна.
1
Оросын удирдлагууд дээрх сонгуулийг хуулийн дагуу болсон хүчинтэй сонгууль гэжээ. ОХУ-ын Гадаад хэргийн сайд Сергей Лавров Киевийн удирдлагуудад хандаж “Украины зүүн хязгаарын Донецк, Луганск мужид болсон сонгууль хуулийн дагуу болсон. Сонгуулийн үеэр Оросын ажиглагчид оролцож, сонгуулийн үеэр ямар ч будлиан гараагүй гэж баталсан. Тиймээс Орос улс дээрх сонгуулийг хүчинтэй гэж үзэж байна. Орос тэдний сонголтыг хүндэтгэх болно” гэж хэлжээ.
Харин АНУ-ын Ерөнхийлөгч Барак Обама салан тусгаарлагчдын явуулсан сонгуулийг хууль бус хэмээгээд “Оросын шахалтаар дээрх сонгуулийг хийсэн” гэжээ.
1
Б.Дэлгэрцэцэг
Уншиж байна |