Монгол Улсад анхны 5 яам байгуулагдсаны 100 жилийн ой энэ онд тохиож байгаа. Түүхт ойн жилийн хүрээнд Монгол Улсын Засгийн Газрын Хэрэг Эрхлэх Газар компьютер, тоног төхөөрөмжийнхөө шинэчлэлтийг хийжээ. Шинэчлэл хийснээр иргэд төрийн үйлчилгээг түргэн шуурхай, найдвартай, дэлхийн жишигт нийцсэн төхөөрөмжүүдээр авах боломж нээгдэнэ хэмээн үзэж байгаа аж.
Тиймээс өндөр хүчин чадал бүхий iMac, MacBook Pro зэрэг хамгийн сүүлийн үеийн загварын компьютеруудыг авчээ. iMaс-ийн суурин компьютерийн хувьд процессор, чанга яригч гээд бүхий л бүрдэл хэсгүүдээ зөвхөн дэлгэцэндээ багтааснаараа давуу талтай байдаг бол MacBook Pro зөөврийн компьютер цэнэгээ удаан барьдагаараа онцлогтой. Эдгээр компьютеруудад гадны халдлагаас бүрэн хамгаалагдсан шинэ үеийн Mac OS үйлдлийн системийг суурилуулснаараа найдвартай байдлыг бий болгож байгаа юм.
Ийнхүү Apple Монголд албан ёсоор худалдаалагдаж эхэлснээс хойш төрийн байгууллагуудаас анх удаа Монгол улсын ЗГХЭГ тус брэндийн компьютеруудыг үйл ажиллагаандаа ашиглаж эхэллээ.