УИХ дахь Бие даагч гишүүдийн зөвлөлөөс энэ долоо хоногт УИХ, Байнгын хороодоор хэлэлцэх асуудлаар өөрсдийн байр сууриа илэрхийллээ. УИХ-ын гишүүн Ц.Даваасүрэн “Ажил хийх биш томилгоо хийсээр маш их цаг алдаж байна. Энэ долоо хоногт л гэхэд УИХ-ын дэд хорооны дарга нарын томилгоог хийнэ. Томилгоо сум, баг, хороонд үргэлжилсээр сонгуультай золгох нь. Ерөнхий сайд Ч.Сайханбилэгийн иргэдээс авч байгаа санал асуулга ямар учиртай болох талаар гайхаж байна. Иргэдийг өлсөх үү, Оюутолгойг хөдөлгөх үү гэж шууд тулгаж байна.
й
Оюутолгой аль хэдийн хөдөлчихсөн. Энэ ямар санаатай үйлдэл болох нь анхаарал татаж байна. 2014 онд хоёр их наяд төгрөгийн борлуулалт хийсэн, 2015 онд гурван их наяд төгрөгийн борлуулалт хийнэ. Гурван их наяд гэдэг бол Монгол Улсын төсвийн 70 хувь. Оюутолгой хэдийнэ эхэлчихээд байхад хөдөлгөх үү гэж асууж байгаа нь ойлгомжгүй байна. Миний сонссоноор Рио тинтог гадны нэг компани худалдаж авахаар хэлэлцээ хийж байгаа. Харин Рио тинтогийн 19 хувийг эзэмшдэг “Чанелко” зөвшөөрөхгүй байгаа, энэ хэлэлцээр ирэх 4-р сард дуусах ёстой. Харин Тавантолгойн хувьд бол өөр хэрэг” гэлээ.
й
Харин УИХ-ын гишүүн С.Ганбаатар “Ерөнхий сайд Ч.Сайханбилэгийн явуулж байгаа санал асуулга учир дутагдалтай байна. Гурав дахь сонголт байх ёстой. Үнээгээ идүүл, эсвэл үнээнийхээ сүүг өг гэдэг сонголтыг тулгаж байна хэмээн мэдэгдсэн.
й
Мөн энэ долоо хоногт хэлэлцэгдэх Хүүхэд харах үйлчилгээний тухай хууль, Соёлын тухай хууль, Эдийн засгийн өршөөл үзүүлэх тухай хуулийн төслүүдэд Бие даагчдын зөвлөл саналаа тусгаж, анхаарч ажиллах бол УИХ-ын гишүүн Ц.Даваасүрэн энэ долоо хоногт УИХ-аар хэлэлцэх “Урт нэртэй” хуулийн дагаж мөрдөх журмын өөрчлөлтөөр энэ хуулийг алга болгох санаархал явж байгаа тул Төрийн ордноос гарч, тэмцэлд нэгдэхэд бэлэн байгаагаа мэдэгдлээ.
й
a П.НаранУншиж байна |