Германы Канцлер Ангила Меркел өчигдөр Вашингтонд айлчилж, Ерөнхийлөгч Барак Обаматай уулзсан юм. Тэд Украины зүүн хязгаарт болж буй зөрчил, мөргөлдөөний талаар байр сууриа солилцсон юм. Канцлер армийнхан болон салан тусгаарлагчид харилцан зэвсгээсээ татгалзахгүй бол, Украинд тусламж үзүүлэхгүй гэдгээ мэдэгдсэн билээ. Харин Обама зүүн хязгаарт хяналтаа тогтоохыг санаархаж буй салан тусгаарлагчид буулт хийж, Засгийн газартайгаа хэлэлцээр хийхгүй бол Украины армид зэвсэг нийлүүлэх болно гэж мэдэгджээ.
Обама “Зүүн хязгаарт болж буй мөргөлдөөн хяналтаас гарсан. Өдөрт хэдэн хүн амиа алдаж, хэдэн хүн дүрвэж байгаа нь нууц хэвээр байна. Украины удирдлагууд АНУ-аас зэвсгийн тусламж авах хүсэлтэй байгаагаа нуугаагүй. АНУ тус улсад хамгаалалтын цэргээ илгээж болно. Гэхдээ дээрх байдал удаан үргэлжилж энгийн иргэд хохирсоор байвал зэвсэг нийлүүлэхээс өөр гарцгүй. Зэвсэг нийлүүлэх нь хямралыг улам даамжруулах эрсдэлтэй. Салан тусгаарлагчид буулт хийхгүй байвал бидэнд сонголт байхгүй” гэж хэлжээ.
НҮБ-ын мэдээгээр Донецк мужид өчигдөр есөн цэрэг болон энгийн дөрвөн иргэн амиа алджээ.
Б.Дэлгэрцэцэг
Уншиж байна |