Нийслэлийн Баянгол дүүргийн 22 дугаар хорооны нутаг дэвсгэр буюу хорооллын эцсийн гэр хороололд орчмоос өлгийтэй хүүхэд олдсон тухай мэдээлсэн. Иргэний мэдээллийн дагуу цагдаагийн алба хаагчид шалгахад хүүхдийн өлгийн дотор нь төрсний гэрчилгээ, эрүүл мэндийн даатгалын дэвтэр зэрэг бичиг баримтыг хийж үлдээсэн байжээ.
ы
Цагдаагийн алба хаагчид гурван сартай охин З-г Эх хүүхдийн эрүүл мэндийн үндэсний төвд үзүүлэн, хүүхдийн төв сувилалд хүлээлгэж өгсөн байна. Хүүхдийн биед ямар нэгэн гэмтэл учраагүй байсан нь эмнэлгийн үзлэгээр тогтоогдсон байна.
ы
Уг хэргийг Баянгол дүүргийн цагдаагийн нэгдүгээр хэлтэст шалгаж байгаа аж. Эрүүгийн хуулийн 117 дугаар зүйлийн 117.1-т Төрүүлсэн болон үрчлэн авсан хүүхдээ хаясан, төөрүүлсэн бол хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, хоёр зуун тавин нэгээс гурван зуун цаг хүртэл хугацаагаар албадан ажил хийлгэх, эсхүл гурваас дээш зургаан сар хүртэл хугацаагаар баривчлах ял шийтгэнэ гэсэн байдаг.
ө
Б.Хүлэг
Уншиж байна |