Альпийн нуруунд осолдсон Германы “Airbus A-320” онгоцны ослын буруутан хоёрдугаар нисгэгч Андрес Любиц болох нь нотлогдсон тухай “www.dailymail.co.uk” мэдээллээ. Германы “BILD” сонины цахим хуудаст сүйрсэн “Airbus A-320”-ийн хар хайрцагны бичлэг нийтлэгдсэн байна. Бичлэгт ахмад танхим руу орохоор гарч явах үед хоёрдугаар нисгэгч бүхээгийн хаалгаа цоожилж буй нь бичигджээ.
Хэсэг хугацааны дараа ахмад бүхээг рүү орох гэтэл хаалга цоожтой байжээ. Ахмад “Андрес наад хаалгаа онгойлго. Новш минь хаалгаа онгойлгооч. Үхэхийг хүсч байна уу” хэмээн хашгирч хаалга тогшиж буйгаар бичигдсэн байна. Мөн бичлэгт бүхээгний хаалгыг хүчтэй зүйлээр цохиж, онгойлгохыг оролдож байгаа нь гарчээ.
Мөн бичлэгийн хоёр дахь хэсэгт зорчигчид болон ахмадын орилж буй чимээ бичигдсэн байна. Энэхүү бичлэгээс үндэслэн онгоцыг хоёрдугаар нисгэгч санаатайгаар сүйрүүлсэн гэхэд хилсдэхгүй гэж Францын шинжээчид “AFP” агентлагт ярьжээ. Бүхээгт ганцаараа үлдсэн Андрес осол болох хүртэл ямар ч дуу гаргаагүй бөгөөд зөвхөн амьсгалах чимээ нь бичигдсэн байна.
Шинжээчид онгоц энэ сарын 24-ний 22.00 цагийн орчимд осолдсон хэмэн тогтоожээ.
Б.Дэлгэрцэцэг
Уншиж байна |