Германы Аюулгүй зөвлөлийн мэдээлснээр “Энэ амралтын өдөр 70 эмэгтэй Сири улсаар дамжин, Иракийн хэт даврагч “Халифын вант улс” бүлэглэлд элссэн” гэв. Эмэгтэйчүүдийн дунд насанд хүрээгүй есөн хүүхэд байгааг албаныхан онцолсон тухай “CNN” агентлаг мэдээллээ.
Хэт даврагч болсон эмэгтэйчүүдийн ихэнх нь Сири улсад ажиллаж, амьдарч байсан гэнэ. Одоогоор хэн гэгч этгээд эмэгтэйчүүдийг уруу татсан нь тодорхойгүй байгаа юм. Албаныхан гурван эмэгтэйн нэр болон гэрийн хаягийг олоод байгаа ба тэдний фэйсбүүк, твиттер зэргийг шалгаж үзсэн ч ямар нэгэн мэдээлэл олоогүй гэнэ.
Эмэгтэйчүүд гэрээсээ явахдаа бүх мэдээллээ устгажээ. Тэдний нэг 40 настай Ханс Георг Массен “Биднийг хэн ч зогсоож чадахгүй. Бид ариун исламын шашныг хамгаалахаар явцгаалаа” гэж захиа бичжээ. Энэхүү захиаг цагдаа нар гэрийнх нь угаалгын өрөөнөөс олсон байна. Тагнуулын мэдээгээр тус бүлэглэлд Германы 100 гаруй иргэн элссэн гэв.
Өнгөрсөн долоо хоногт Британийн тагнуулын ажилтнууд хэт даврагч болохоор төлөвлөж байсан 11 залууг түр саатуулсан юм. Тэд фэйсбүүкийн тусламжтай хэт даврагчидтай холбоо тогтоосон нь мөрдлөгийн явцад илэрчээ.
Б.Дэлгэрцэцэг
Уншиж байна |