Чехийн Ерөнхийлөгч Милош Земан ирэх сарын 9-нд ОХУ-ын нийслэл Москва хотноо зохион байгуулагдах Агуу их ялалтын баярт оролцохоо албан ёсоор мэдэгдсэн тухай “CNN” агентлаг мэдээллээ. Тэрбээр “Ерөнхийлөгч В.Путиний урилгыг хүлээн авч буйгаа мэдэгдэж байна. Мөн Оросын ард түмэнд баярын мэнд хүргье” гэж хэлжээ.
Харин Ерөнхийлөгчийн мэдэгдлийг тус улсад суугаа АНУ-ын Элчин сайд Эндрю Шапиро буруутгаж,“Украины ард түмнийг хохироож буй улсад очих нь хууль бус” гэж мэдэгджээ.
Сайдын гэнэтийн мэдэгдлийн дараа Ерөнхийлөгч ихэд уурсаж, түүнийг Ерөнхийлөгчийн ордонд орохыг нь хэсэг хугацаанд хориглож “Би Ялалтын баярт оролцох болно. Таниар Москва явах эсэхээ заалгахыг хүсэхгүй байна” гэж хариу мэдэгджээ.
Б.Дэлгэрцэцэг
Уншиж байна |