Зам тээврийн сайд асан А.Гансүх "Тавантолгой" төслийн ажлын хэсгийн ахлагч, Монгол Улсын сайд М.Энхсайханыг халз мэтгэлцээнд дуудлаа.
Тэрбээр өөрийн твиттер хуудаснаа " М.Энхсайхан "Тавантолгой гадаад захиалгатай" гэжээ. М.Энхсайханы зурахаар тохирсон гэрээ Монгол Улсад ашиггүй, нөгөө талын захиалгатай гэдгийг баримтаар батлана" хэмээн жиргэжээ.
Мөн тэрбээр "М.Энхсайхаан, дуртай телевизээ өөрөө сонго. Тавантолгой дээр байгуулахаар бэлтгэсэн гурван гэрээний талаар халз мэтгэлцээнд орьё" хэмээн бичсэн байна.
Харин А.Гансүхийн жиргээний дор УИХ-ын гишүүн Ё.Отгонбаяр "Чи чинь Улсын Их Хурлын даргын зөвлөх биш билүү? " хэмээн асуусан байна.
Учир нь Тавантолгойн асуудлаар УИХ, Засгийн газар тус бүрдээ өөр байр суурийг барьж байгаа. УИХ-ын дарга З.Энхболд Тавантолгойн төслийг заавал парламентаар хэлэлцүүлнэ гэсэн бол Монгол Улсын сайд М.Энхсайхан Засгийн газар хууль зөрчөөгүй хэмээн тайлбарласан.
Б.Дэжид