Цагдаагийн Ерөнхий газрын Лицензийн төв үйл ажиллагаагаа шинэчилжээ.

Тодруулбал, ирэх зургадугаар сард багтаан жолооны шалгалтыг цахим хэлбэрээр авдаг болох аж.

Эх сурвалжийн мэдээлж буйгаар шалгалт авах програм хангамжийг одоогоор бэлэн болгож, анги танхимыг тохижуулж байгаа юм байна.

Хэрэв энэ танхим бэлэн болчихвол олон улсын жишгээр жолооны шалгалт авдаг болох боломж бүрдэх аж.

Дашрамд дуулгахад, цахим хэлбэрээр шалгалт өгснөөр шалгуулагч нэг дор хэд, хэдэн шалгалт өгөх давуу талтай гэнэ.

Б.Дэжид