Ой тогтоолтын дэлхийн шилдэг 24 тамирчин өрсөлдөх “Extreme Memory Tournament” ой тогтоолтын тэмцээн ирэх тавдугаар сарын 2-3-ны өдрүүдэд АНУ-ын Сан Диего хотод болно.
76.000$-ын шагналын сантай дэлхийн шилдэг тамирчдын тэмцээнд оролцох Монгол Оюун ухааны академийн баг тамирчид өчигдөр АНУ-ыг зорьсон билээ.
Багийн бүрэлдэхүүнд Х.Хатанбаатар (ОУ-ын шүүгч), Б.Баасандорж (Дасгалжуулагч), Ой тогтоолтын Их Мастер С.Цогбадрах (Дэлхийн аваргын алтан медальт, Ой тогтоолтын дэлхийн 3 дээд амжилтын эзэн), Ой тогтоолтын Их Мастер С.Акжол (Дэлхийн аваргын мөнгөн медальт), Т.Мягмарсүрэн (Цээж бодолтын дэлхийн цомын алтан медальт), Э.Энхмөнх (Ой тогтоолтын өсвөрийн дэлхийн аварга), Т.Энхжин (Ой тогтоолтын ОУ-ын аварга) нар багтсан.
Энэхүү тэмцээнд Германы 7, Монгол Улсын 5, Шведийн 3, Английн 3, АНУ-ын 3, Филиппиний 2, Норвегийн 1 шилдэг тамирчин өрсөлдөх юм. Тамирчид зоонд хуваагдаж тэмцээн нэгийн эсрэг нэг (head to head) явагдах бөгөөд тэмцээнийг www.extremememorytournament.com сайтаар шууд дамжуулах юм байна.
Б.Бэхи
Уншиж байна |