Улаанбаатар
Түлэгдсэн гурван хүн эмчлүүлж байна
2015-5-5

Сүхбаатар аймгийн Сүхбаатар сумын нутагт дэгдсэн ойн түймэр сумын төв рүү 10 км, Баруун-Урт хот руу 20 км ойртсныг онцгой байдлын аврагчид, нутгийн ард иргэд шуурхай ажиллан, цурманд бүрэн оруулсан.

 

Гэвч салхины хурд 18-20 м/с, зарим үед түүнээс ч хүчтэй байгаа учир түймэр цурамнаас алдагдаж, дахин дэгдэх аюултай байна. Урд шөнө зүүн хойноосоо баруун урагшаа хүчтэй салхилсны улмаас түймэр дахин дэгдснийг өнөө өглөө цурманд оруулаад байна.


Сүхбаатар сумын Засаг даргын захирамжаар ажлын хэсэг байгуулагдан түймрийн улмаас үүдсэн хохирлын хэмжээг тогтоохоор ажиллаж байна. Одоогоор хохирлыг бүрэн тогтоогоогүй байгаа ч хорь гаруй айлын гэр шатаж, нэлээд тоо толгой мал хорогдсон гэх урьдчилсан мэдээ байна. Мөн түймэрт түлэгдсэн гурван хүн эмчлүүлж байгаа аж.

 

Shuud.mn
Сонин хачин