Уулын спортын ОУХМ Б.Цэвээндаш өчигдөр эх орондоо ирлээ. Тэрбээр өнгөрсөн дөрөвдүгээр сарын 6-нд  Эверестийг зорьж эх орноосоо мордсон.

Балбад болсон хүчтэй газар хөдлөлтийн улмаас олон хүн амиа алдаж Эверестийн авиралтыг зогсоох шийдвэр гаргасан билээ.

Б.Цэвээндаш  "Эверестийн авиралтыг Хятадын талаас бүтэн нэг жилээр хааснаар дэлхийн өнцөг булан бүрээс ирсэн уулчид нутаг буцлаа. Нэг бодлын харамсалтай байгаа ч нөгөө талаар амьд үлдсэн минь бас азтай. Миний хувьд 7180 метр авирсан байсан л даа. 6500 метрт байхад эхний газар хөдлөлт болсон. Маш их дуу чимээтэй байсан учраас айж сандарсан" хэмээн хэлжээ.

Б.Дэжид