Дархан-Уул аймгийн Шарын гол суманд барилга дээр ажиллаж байсан ажилчид өндрөөс унаж осолдсон байна.

Тус сумын Санжинт багийн “Шарын гол” ХК-ийн Үйлдвэрийн талбайд барилгын 3 давхраас 2 хүн унасан дуудлагаар аймгийн Онцгой байдлын газрын 6 албан хаагчид очиж үүрэг гүйцэтгэжээ.

“Шарын гол” ХК-ийн Хуучин нүүрс ангилан ачих дамжлагын барилгын 4 давхраас барилгын ажил гүйцэтгэж байсан гэрээт ажилтан Ж /Дархан-Уул аймгийн Шарын гол сумын харьяат 23 настай эрэгтэй/, Б /Сэлэнгэ аймаг Цагааннуур сумын харьяат 20 настай эрэгтэй/ нар унаж иргэн Ж бетонд дарагдан газар дээрээ нас барсан байсныг гаргаж Цагдаагийн жижүүрийн бүрэлдэхүүнд шилжүүлэн өгсөн. Иргэн Б хүнд гэмтсэн байсныг Шарын гол сумын эмнэлэгт хүргэж өгсөн байна.

Уг хэргийг цагдаагийн байгууллагад шалгаж байна.

Б.Хүлэг