Төв аймгийн Баян сум 2 дугаар баг "Дуут" зүлэг гэх газар хээрийн түймэр гарч, 5 га газар нутгийг хамарчээ.

Онцгой байдлын газрын 12 алба хаагч, 50 иргэн, 6 тээврийн хэрэгсэл, 10 мотоцикльтойгоор гал түймэр унтраах үйл ажиллагаанд оролцож, шуурхай арга хэмжээ авсны дүнд өчигдөр орой 19:00 цагийн байдлаар түймрийг бүрэн унтраасан байна.

Түймрийн шалтгааныг тодруулахаар Төв аймгийн цагдаагийн газарт шалгаж аж. Хуурайшилт ихтэй байгаа энэ үед галын аюулаас урьдчилан сэргийлэхийг цагдаагийн байгууллагаас сэрэмжлүүлж байна.

Б.Хүлэг