АНУ-ын тусгай хүчин “Аль Кайди” бүлэглэлийн тэргүүн Осама Бин Ладенийг устгах үеэр нууцын зэрэглэлд хамааралтай олон зуун материал олж байжээ. Тагнуулын төв байгууллага /NSA/ өчигдөр Бин Ладений үхлийн талаар мэдээлэл хийх үеэрээ эдгээр материалыг нийтэд танилцуулсан тухай “www.dailymail.co.uk” мэдээллээ.
Нууц материалууд дунд Бин Ладений “Аль Кайди” бүлэглэлийн удирдлагууд болон гишүүдтэй харилцсан захианууд багтснаас гадна 2013 оноос хүчирхэгжиж эхэлсэн “Халифын вант улс” бүлэглэл байгуулах асуудлаар харилцан ярилцсан протокол багтжээ. “Түүнийг тус бүлэглэлийг байгуулсан хэмээн олон улс харддаг бөгөөд энэхүү мэдээлэл баттай боллоо” гэж /NSA/-ийн хэвлэлийн албанаас мэдээлсэн байна.
“АНУ болон Европ, Ойрхи Дорнодод эрхээ тогтоохоос өмнө хүчирхэг хэт даврагчид, тусгай бүлэглэл байгуулах нь зөв” хэмээн Бин Ладений бичсэн захиаг хэвлэлийнхэнд харуулжээ. Мөн АНУ-ын Ерөнхийлөгч Барак Обамагийн амь насанд халдах төлөвлөгөө болон олон улсад тархсан дайчидтайгаа холбоо тогтоосон захиа болон англиар бичсэн тэмдэглэл зэргийг үзүүлжээ.
Б.Дэлгэрцэцэг
Уншиж байна |