Засгийн газрын хэрэг эрхлэх газрын дэд дарга асан Г.Дэнзэнг өнөөдөр АТГ-аас саатуулжээ. Түүнийг ХБНГУ руу явахаас өмнө АТГ-аас “Эрдэнэс ТТ” компанийн тендертэй холбоотой асуудлаар шалгаж гэж мэдээлэгддэг.

Түүнийг энэ долоо хоногт эх орондоо ирэх үеэр "Эрдэнэс ТТ" компанийн захирал Я.Батсуурийн оронд шалгана гэж мэдээлж байсан юм. Г.Дэнзэнгийн өмгөөлөгч Д.Содномдорж "АТГ-аас өнөөдөр 13:00 цагийн үед түүний гэрт нь ирж нэгжлэг хийгээд, байцаалт өг гээд аваад явсан. Энэ бол хууль бус ажиллагаа болсон. Хуульд заасны дагуу өмгөөлөгч, үйлчлүүлэгчтэйгээ хаана ч уулзах эрхтэй гэтэл биднийг уулзуулахгүй хууль зөрчиж байна" гэж ярьж байна.