Үл хөдлөх хөрөнгө барьцаалах тухай хуульд нэмэлт өөрчлөлт оруулах тухай хуулийн төслийн анхны хэлэлцүүлэг ширүүхэн явагдлаа. Уг хуулийн төсөлд иргэд өмчийн газраа барьцаалж зээл авах боломжийг бүрдүүлж байгаа юм. Ингэхдээ маргаан үүссэн тохиолдолд асуудлыг шүүхээр бус үл маргах зарчмаар шийдвэрлэнэ гэж байлаа. Харин УИХ дахь МАН-ын бүлгийн гишүүд иргэд өмчөө шүүхээр шийдвэрлүүлэх асуудлыг зөрчиж байна гэсэн юм. Тиймээс газрын маргааныг шүүхээр шийдвэрлүүлэхээр зарчмын зөрүүтэй санал гаргасан нь дэмжигдлээ. Харин МАН-ын бүлэг дараагийн санал хураалт явуулахад завсарлага авахаар гишүүд нь картаа сугаллаа. Тиймээс ирц хүрэлцэхгүй болов.
Үүнд УИХ-ын дарга З.Энхболд: Завсарлагыг дэгийн дагуу намуудын бүлгийн дарга нар авдаг. Танай бүлэг 3 даргатай. Аль нь ч хуралдаанд алга. Засгийн газар хамтарч байгуулаад, ажил төрөл хамтарч хийнэ гэж тохироод, хашааны иргэдийг газраа барьцаалж зээл ав гэхээр эсэргүүцээд байдаг ямар учиртай вэ? Яагаад гэр хорооллын иргэд газраа барьцаалаад зээл авч болдоггүй юм. МАН-ын бүлэг хамтарвал хамтар. Хамтарч чадахгүй бол ажилд битгий садаа болоод бай хэмээлээ.
Н.Нягт
Уншиж байна |