Нью Йорк хотноо байрлах чанга дэглэмтэй “Clinton Correctional Facility in Dannemora” хорих ангиас энэ сарын 6-нд  49 настай Ричард Матт, 35 настай Дэвид Свеат нар оргосон билээ. Нью Йоркийн цагдаа нар Ричард Маттыг энэ амралтын өдөр нэгэн уулын ойролцоогоос барьсан бөгөөд аргагүйн эрхэнд буудан хөнөөсөн юм. Маттыг устгасны дараа Дэвид Свеатыг “Albany Medical Center” эмнэлгийн хашаанаас баривчилсан юм. Свеат олон хоног зугтаасан учир тамиргүй болсноос гадна нуруу болон гарандаа хүнд шарх авсан байжээ.

Цагдаа нар Свеатыг тусгай эмнэлэгт хэвтүүлж, өчигдөр 21.00 цагт “N705KC” онгоцоор  хорих анги руу нь илгээсэн байна. Шоронгийн харгалзагчид Свеатыг хүлээн авч, өндөр хамгаалалттай тусгай өрөөнд оруулжээ. Дэвид Свеат 2005 онд хүн амины хэргээр бүх насаараа хоригдох ялаар шийтгүүлсэн юм.

Б.Дэлгэрцэцэг