Эмэгтэйчүүдийн Үндэсний лигийн тоглолт II тойргийн тоглолтуудаар үргэлжиллээ. Эхний тойрогт тэнцсэн баг байгаагүй бөгөөд дөрвөн баг ижил хожлын оноог авж чадсан. Харин өнөөдөр “Хан-Уул” дүүргийн баг “Эрчим” клубтэй 1:1 харьцаатай тэнцсэнээр 4 оноотой хүснэгтийн дунд бичигдэж эхэллээ.
“Монголын Тэмүүлэл”, “Арвис”, “Хад” гэсэн 3 баг ээлжит хожлоо байгуулсанаар одоогоор 6 оноотойгоор лигийг өнгөлж явна. Мөн “Монголын Тэмүүлэл” болон “Арвис” клубын тамирчид хаалгандаа гоол алдаагүй үзүүлэлтээр бусдыгаа манлайлж байна. Тэмцээний III тойрогт хожигдол амсаагүй “Монголын Тэмүүлэл” болон “Хан-Уул” багууд хоорондоо тааран тоглоно.
Уншиж байна |