Хөвсгөл аймгийн Ус цаг уур орчны шинжилгээний алба Монгол Улсын байгаль орчны гавъяат ажилтан Я.Шаравдоржийн хөшөөг аймгийн төвдөө босгожээ.

Түүний хөшөөг цаг уурын хамт олон болон Я.Шаравдорж агсны үр хүүхдүүдийн дэмжлэгтэйгээр орчны цэцэрлэгжүүлэлтийн хамт долоон сая орчим төгрөгөөр байгуулсан гэнэ.

Я.Шаравдорж нь 1964-2002 оныг хүртэл Ус цаг уур орчны шинжилгээний албаны даргаар ажилллаж байхдаа 1990-ээд оны эдийн засгийн хүндхэн үед аймгийн цаг уурын алба гэрэл цахилгаанаас бусад талаараа бие даасан байдалтай, өөрийн халаалт, гүний худаг, халуун ус, нэг өрөө зочид буудалтай болж туслах аж ахуйг өргөжүүлж үйл ажиллагаагаа хүндрэл багатай явуулж системийн байгууллагууд дотроо байнга дээгүүр ордог байжээ.

Б.Дэжид