УИХ-ын ээлжит бус чуулганы нэгдсэн хуралдаанаар 6 сайдыг огцруулах асуудлыг хэлэлцэж байна. Хэлэлцэж байгаа асуудалтай холбогдуулан гишүүд асуулт тавьж, хариулт авч байгаа юм. УИХ-ын гишүүн О.Баасанхүү:
-МАН-ын мэдэгдэлд Оюутолгойн гэрээнд гарын үсэг зурсан хууль бус үйлдлийг удахгүй дэлгэнэ гэнэ. Үүнд би баярлаж байна. Ерөнхий сайдыг огцруулъя гээд гарын үсэг цуглуулсан. Гэтэл МАН-ынхан гарын үсгээ харамласан. Нам бодлогоороо гарын үсэг зурахгүй гэж байсан. Би С.Баярцогтыг огцруулахыг нэгдүгээр ээлжинд өргөн барина. Төрийн албыг бусниулж, улс орны нэр төрийг гутааж, булайгаа дэлгэсэн. Ерөнхий сайд та өөрийн хүсэлтээр огцрох уу, заавал 19 гишүүний гарын үсэг зурах уу гэж асуухад “Цагийн юмыг цагт нь ярь. Ерөнхий сайдад хамааралтай зүйлийг асуух хэрэгтэй” хэмээн дараагийн гишүүнд асуулт тавих эрх шилжүүлэв. УИХ-ын гишүүн Ө.Энхтүвшин:
-АН багаа хууллаа. Та бүхэн дангаараа Засгийн эрх аваад явж чадахгүй, хамтраад ч явж чадахгүй, дотроо ч учраа олж чадахгүй байдалд байна. Та бүхний арга барил хуурдаг, амладаг, хүч түрдэг арга барилтай байна. 6 сайд хэр ажилласан бэ, Ерөнхий сайд аа?. Нам нь шийдвэрлэсэн учир оруулж ирж байна гэж байна. Намын ажил, Засгийн асуудал тус тусдаа зүйл биш үү? Дараагийн 6 сайдыг томилох асуудлыг яагаад оруулж ирэхгүй байна. Зөрчил үүссэн үү?
УИХ-ын дарга, АН-ын дарга З.Энхболд:
-Гэрээний 5.3-т “Гэрээг зөрчвөл аль нэг тал нь цуцална. Би АН-ын даргын хувьд дүгнэнэ. Анх гэрээ явуулахдаа ажил явуулна гэж орсон. Хөшигийн хөндийн автозамыг зогсоосон. Өөр өчнөөн зүйл байна. Ажил хийж гэж бодоогүй. Төсөв, мөнгө нь бэлэн байсан. Хэдэн хамаатан саднаа ажилд авахаас өөр юу ч хийгээгүй.
Ерөнхий сайд Ч.Сайханбилэг:
-Ерөнхий сайдын хувьд улс төрийн шийдвэрийн дагуу оруулж ирж байна. Засгийн газар кабинетаараа ажилласан. Үүргээ хангалалтай биелүүлж явж байгаа. Намын асуудлыг парламентын танхимд ярих нь зохимжгүй зүйл.
УИХ-ын гишүүн Д.Ганхуяг:
-Орон нутагт АН-ын нэр хүндийг унагаах бохир зүйлийг хийж байна гэж бүлгийн хуралдаанаар ярьдаг байсан. Зарим яамд төрийн албан хаагчдын 40-50 хувийг сольж байна. МАН Н.Алтанхуягийн Засгийн газрыг ажил хийлгээгүй. Хамтарч болдоггүй. Тусдаа байхаар ажил хийлгэдэггүй.
УИХ-ын чуулганы хуралдаан үргэлжилж байна.
Н.энх
Уншиж байна |